Kæru foreldrar/forráðamenn

Eins og flest allir vita flytja börnin milli deilda þriðjudaginn 2. júní. 

Starfsfólk leikskólans mun sjá um aðlögun barnanna á milli deilda.

Það eina sem þið þurfið að hafa áhyggjur af er að mæta með barnið á rétta deild á þriðjudeginu 2. júní.

Ef þið eruð ekki viss um hvaða deild barnið ykkar er að fara á vinsamlegast ræðið þá við starfsfólkið á deildinni sem barnið er á núna. 

 Á laugardaginn 16. maí verður leikskólinn Engjaborg 15 ára. Í tilefni þess var haldið upp á afmæli leikskólans með opnu húsi fyrir foreldra og ættingja barnanna. Börnin byrjuðu á því að syngja fyrir gestina afmælissönginn, þvínæst sungu stelpurnar á Vesturengi ,,Með sól í hjarta", bæði á íslensku og ensku. Næst sungu börnin á Suðurengi ,,Mamma" .  Svo sungu Vesturengi, Suðurengi og hún Eva Rán  Eurovision lagið okkar með glæsibrag.

Þegar börnin voru búin að syngja, kom foreldrafélagið með gjöf til leikskólans. Þetta voru hjólbörur, skóflur, fötur og könur. Glæsileg gjöf sem á eftir að nýtast vel í garðinum. 

Frábær mæting var í afmælið og skemmtu sér allir konunglega. 

Takk fyrir okkur